सकल मराठा परिवार महारक्तदान शिबिर २०२५ – राज्यभरातून ७५२ रक्त पिशव्यांचे संकलन

सकल मराठा परिवार महारक्तदान शिबिर २०२५ – राज्यभरातून ७५२ रक्त पिशव्यांचे संकलन 🩸🚩

सकल मराठा परिवार (SMP) तर्फे आयोजित “महारक्तदान शिबिर २०२५” या भव्य उपक्रमाचा समारोप अत्यंत उत्साहात पार पडला. राज्यातील विविध जिल्ह्यांत एकाच दिवशी घेतलेल्या रक्तदान शिबिरांतून एकूण ७५२ रक्त पिशव्यांचे संकलन करण्यात आले. समाजातील तरुण, महिला, ज्येष्ठ नागरिक यांनी मोठ्या संख्येने सहभाग नोंदवून “रक्तदान हेच जीवनदान” हा संदेश प्रत्यक्ष कृतीतून दिला.

🩸 जिल्हानिहाय रक्त पिशवी संकलन

• नाशिक – १६२

  • नाशिक शहर: १११

  • दिंडोरी: ५१

• पुणे – २५५

  • औंध: ४२

  • चिंचवड: ७५

  • कुरुळी: ८

  • चाकण: ४८

  • मावळ (तळेगाव दाभाडे): ८२

• रायगड – ६९

  • रोहा: २८

  • महाड: ११

  • श्रीवर्धन: ३०

• लातूर – ५३

• छत्रपती संभाजीनगर – ३५

• अहिल्यानगर – ७०

• बीड – ३८

  • गोंदी खुर्द: २४

  • हिंगणगाव: १४

• भडगाव (जळगाव) – ७

• कोल्हापूर – ७०

• बुलढाणा – २५

एकूण संकलन: ७५२ रक्त पिशव्या

या माध्यमातून शेकडो रुग्णांचे अमुल्य प्राण वाचविण्यास मदत होणार आहे. ग्रामीण भागातील तरुणांचाही उत्स्फूर्त सहभाग विशेष उल्लेखनीय ठरला.

राज्य रक्त संक्रमण परिषदेकडून विशेष गौरव

आज आयोजित रक्तदान शिबिराच्या निमित्ताने राज्य रक्त संक्रमण परिषद, महाराष्ट्र राज्य चे अध्यक्ष मा. श्री पुरुषोत्तम पुरी सर यांनी Google Meet च्या माध्यमातून सकल मराठा परिवार संपूर्ण टीमचे मनःपूर्वक आभार मानले.
त्यांनी राज्यभर एकाच दिवशी शिस्तबद्धपणे राबवलेल्या या उपक्रमाचे विशेष कौतुक करत, भविष्यातही अशाच आरोग्यविषयक जनजागृती मोहिमा राबविण्याचे आवाहन केले.

माध्यमांतून मिळालेला प्रतिसाद

महारक्तदान शिबिराला विविध वृत्तमाध्यमांनीही उत्तम प्रतिसाद दिला आहे.

• अहिल्यानगर येथील शिबिराबाबतचा सविस्तर वृत्तान्त येथे प्रसिद्ध झाला आहे:
  नगरमध्ये सकल मराठा परिवारतर्फे महारक्तदान उपक्रमांतर्गत रक्तदान शिबिराचे आयोजन

• संपूर्ण उपक्रमाचा आढावा घेणारी बातमी:
  सकल मराठा परिवारतर्फे आयोजित एकदिवसीय महारक्तदान शिबिरात ७६२ रक्त पिशवी संकलन

(वरील वृत्तांतांमध्ये स्थानिक स्वयंसेवक, मान्यवर व रक्तदात्यांच्या प्रतिक्रिया पाहता येतील.)

स्वयंसेवक व रक्तदाते – उपक्रमाचे खरे नायक

प्रत्येक जिल्ह्यातील SMP समन्वयक, स्थानिक मंडळे, वैद्यकीय अधिकारी, ब्लड बँक कर्मचारी व स्वयंसेवकांनी मोठी जबाबदारी सांभाळली.
नोंदणी, हेल्थ चेक-अप, रक्तसंकलन आणि अल्पोपहार या सर्व टप्प्यांत विद्यार्थ्यांपासून ज्येष्ठ कार्यकर्त्यांपर्यंत सर्वांनी खांद्याला खांदा लावून काम केले.

विशेष म्हणजे:

• अनेक युवक-युवतींनी पहिल्यांदाच रक्तदान करून पुढील वर्षीही नक्की सहभागी होण्याची ग्वाही दिली.

• महिलांचा सहभागही लक्षणीय राहिला; अनेक माता-भगिनींनी आपल्या कुटुंबीयांसह येऊन रक्तदान केले.

• काही ठिकाणी थोरांच्या स्मृतिप्रीत्यर्थ व वाढदिवस/विशेष दिनानिमित्त रक्तदान करणारे दातेही दिसून आले.

पुढील वाटचाल

सकल मराठा परिवार फाउंडेशन पुढील काळात:

• नियमित रक्तदान शिबिरे,

• आरोग्य तपासणी शिबिरे,

• अवयवदान, थॅलेसीमिया जागृती इत्यादी सामाजिक उपक्रम राबविण्याचे नियोजन करीत आहे.

रक्तदान शिबिर यशस्वी करण्यासाठी सहकार्य करणाऱ्या:

• सर्व रक्तदाते,

• वैद्यकीय अधिकारी व ब्लड बँक कर्मचारी,

• पोलिस व स्थानिक प्रशासन,

• मंदिर/शाळा/समाज हॉल विश्वस्त मंडळे,

• तसेच वृत्तमाध्यम प्रतिनिधी

यांचे मनःपूर्वक आभार.

“तुमचे एक रक्तदान – अनेकांच्या जीवनाचे नवे प्राणदान”
SMP परिवार आपल्याला पुढील सामाजिक उपक्रमांतही असाच सक्रीय सहभाग नोंदवण्याचे आवाहन करतो.